Atualità
Cuinto cajo de rabia abinà a San Ciascian
USP – L cuinto cajo de rabia tla provinzia de Bulsan ie inier (17 juni) unì abinà a San Ciascian. Na bolp che à perdù si reazion spevia ie unida stlupeteda da n iagher y ie pona unida cuntroleda per via dla rabia. „Chësc cajo mostra su che i zitadins fej cajo y se cumporta ala drëta maniera te situazions de suspet“ sorissea l assessëur Hans Berger.
Zitadins de S.Ciascian ova dat sëura l cajo de na bolp che ti univa permez ala jënt. Sun na tela iel unì stlupetà sun la bolp y riesc fat i cuntroi che à purtà n resultat positif. „Nce sce l ie na nutizia negativa, l cajo mostra su che la persones ie nfurmedes per via dla rabia y sà co se cumpurté“ à dit Berger. Tla provinzia de Bulsan iel permò l cuinto cajo, permez a Belun ulache ntan chësc ann iel bele unì dat sëura 172 caji. „La pitla cumpëida permez ai 879 tieres cuntrolei da setëmber incà, ie n sëni tler che la campania de dlavea à abù fazion“ dij l assessëur.
as
