Atualità
Dumandes per ulenteres soziei
USP – Nchin ai 2 de agost possa urganisazions y istituzions fé dumanda per ulenteres soziei pra l Ufize provinziel per cuestions de cabinet a Bulsan. L dërt de fé dumanda à urganisazions zënza fin de davani che lëura bele da almanco trëi ani te n ciamp recunesciù dal Servisc soziel.
I ciamps de atività ie la cura sanitera y soziela, l inserimënt tla cumenanza y d’autra ativiteies sciche aiuc tla ciarestia, ativiteies de furmazion, jëuni, cultura, ambient, prutezion zevila, defendura di cunsumadëures, culaburazion de svilup, ntervënc de pesc, tëmp liede y sport. Urganisazions de chisc ciamps possa se damandé ulenteres soziei pra l Ufize provinziel per cuestions de cabinet tl palaz Widmann, streda Crispi 3 a Bulsan.
L servisc soziel ulenter possa fé duc i zitadins dla Comunità Europea, che à cumplì 28 ani y che viv tla provinzia de Bulsan. L servisc possa unì fat 8, 16 o 24 mënsc, tenian cont che chiche fej 8 y 16 mënsc possa l slungë a 24 mënsc. Tëmp de n’ena possel unì fat 20, 30 o 40 ëura de lëur cun n cumpëns. Aldò dl ëures, da 360, 400 o 450 euro.
Nfurmazions plu avisa sun l servisc soziel ulenter ie nce da giapé sun la plates provinzieles www.provinz.bz.it/zivildienst-sozialdienst.
as
