Atualità
Jonta provinziela dl 28 de juni
USP – La dezijions dla Jonta provinziela de majer ntres da ncuei (28 juni), prejentedes dal presidënt Luis Durnwalder te cunferënza stampa.
Pruvedimënc nueves tl marcià dl lëur
La Jonta provinziela ti à cialà al macià dl lëur tenian cont che la cumpëida di zënza lëur ie passeda via l 3% cumpedan de mei 2010 belau 10.000 zënza lëur. La Provinzia à fat ora de udëi dant na lingia de pruvedimënc acioche la jënt manco jëuna abine inò da lëur fajan furmazion. „L ne ie nia da azeté che na persona, a pert sce l ie dificulteies de familia, ne azetea nia n lëur ajache l muessa furné n’ëura da cësa“ à dit Durnwalder. La repartizion provinziela per lëur prejenterà ala Jonta provinziela na lingia de ntervënc spezifics n cont de chësta normes. La Jonta uel mplu stlarì al posizion di zitadins che vën da oradecà y che do avëi laurà tla provinzia de Bulsan ne à nia plu da lëur y se nuzea de sauridanzes de bënsté. „Resté per n valgun mënsc zënza lëur ie bën da capì, ma canche la se trata de plu ani iel drët capì la rejons de chësta situazions“ à dit l presidënt dla Provinzia.
Tuesse tl raion dl furnel dal refudam
A giavé grunt per l furnel nuef dal refudam a Bulsan Sud iel unì abinà 8.500 tones de refudam dassënn da tuesse. „La se trata de material che pudëssa nce purté cunseguënzes per l’eghes te chësc raion, perchël ie debujën de rumé demez riesc chësc refudam da tuesse“ à dit Durnwalder. Per chësc lëur y nsci purté na soluzion l problem muessa la man publica spënder feter 4,5 milion de euro. L refudam unirà menà a na firma spezialiseda tl Deutschland.
Stlarimënc dla Comunità Europea
La Jonta provinziela à tratà la dumanda de stlarimënt da per tla Union Europea n cont dl atestat de bilinguism n referimënt ala norma de atuazion nueva che jirà n drova cun l 29 de juni. La Jonta provinziela tën da si posizion n cont dla norma che garantësc che i zitadins da tlo vën trai dant canche la se trata de stieres publiches. Sce l sarà debujën tenirà la Provinzia permez per defënder i nteresc dla jënt da tlo, ajache l ie n pont zentrel dl’autonomia y dla defendura dla mendranzes.
Meric per la Provinzia
La Jonta à cris ora i inuemes de chëi che dëssa giapé uneranzes provinzieles per l ann 2010. Tla zeremonia de sëurandata ududa dant per l 5 de setëmber a Ciastel Tirol uniral danterauter unerà l vedl presidënt dl Cunsëi di Ministri y Cumisser EU Romano Prodi y l cumponist de mujiga Giorgio Moroder de Urtijëi.
Bilinguism: cumissres nueves
La Jonta à dat pro l’acurdanza cun l Cumissariat dl Guviern sun la nomina de 50 cumisseres nueves per l’ejam ntan i ani 2011-2013.
Culegamënt per fonins ti tuniei
La Jonta provinziela à dat pro ntervënc per miuré la rezezion de telefonns zeluleres ti tuniei, tenian cont che te truep caji toma la linea canche n passa cun la ferata tres n tunel.
Nueva comunicazion provinziela
La Jonta uel svilupé si atività de comunicazion istituzionela sun doi pertes. Deberieda cun l servisc stampa bele nvià via, tl daunì ulëssen nce avëi n servisc dedicà de plu sun la comunicazion strategich-politica. Per i culaburadëures di mass media y per l zitadin sarà na funtana de nfurmazion sëuraprò che dà priorità ala Jonta ti argumënc zentrei dl program de aministrazion y di proiec prinzipei dla Jonta.
as
