Atualità
Huber ie cumisser per l Chemun de Corvara
USP – Te si senteda da ncuei (05 lugio) à la Jonta provinziela de Bulsan numinà n cumisser per l Chemun de Corvara che ne ova nia arjont n’acurdanza per mëter su la jonta de chemun. L cumisser ie Heinrich Huber de Rina, che ie nce secreter particuler dl Presidënt dla Provinzia.
La Jonta provinziela ti à tëut na ncëria al Cunsëi de Chemun y à numinà Heinrich Huber cumisser particuler cun la ncëria de aministré l Chemun de Corvara. La nomina ie unida fata sun pruposta dl assessëur provinziel ladin Florian Mussner. L duvier dl cumisser ie de garantì la continuità tl’atività aministrativa ordinaria dl Chemun de Corvara nchin ala veles dl cunsëi nuef, che ie ududes dant te trëi o cater mënsc.
as
