Atualità
Tunel a Urtijëi: sarà de nuet nchin ai 9 de lugio
USP – Tl tunel de Petlin a Urtijëi che ie unì ressanà a na maniera inuvativa, mancel mo vel pitli lëures. Per chësta rejon iel debujën de saré l tunel de nuet da ncuei 6 de lugio nchin ai 9 de lugio. Ai 7 y 8 de lugio iel debujën de n semafer ntan dut l di.
Ntan i proscimi dis uniral fat vel lëur de manutenzion y lëures per finé l ressanamënt. L tunel resta perchël da ncuei 6 de lugio nchin ai 9 de lugio, sarà de nuet danter la 21 y la 6 da duman. L ie debujën de saré l tunel per garantì la segurëza ntan che l vën laurà de nuet. L muvimënt de streda vën avisà ora sun desviazions. Ai 7 y 8 de lugio iel nce debujën de lauré via per l di. Dala 6 da duman nchin la 6 da sëira puderan me passé l tunel de Petlin aldò de n semafer.
Da permò iel l tunel a Urtijëi sun l stradon de Gherdëina unì cumedà cà cun tecniches nueves, deventan l tunel plu inuvatif dla Talia. “L ie unì laurà per arjonjer plu segurëza, manco mpaziamënt dl’aria y per sparanià energia y custimënt tl mantenimënt” spiega l assessëur provinziel Florian Mussner. Da nuef iel unì fat l revëut dedite ora, la luminazion y l asfalt speziel per n custimënt de 352.000 euro.
as
