Atualità
Suplënzes tla scoles ladines
USP – La Ntendënza ala scola ladina fej al savëi che la suplënzes per l proscimo ann tla scoles ladines unirà sëurandata n vënderdi ai 6 de agost dala 9 danmesdì tla sënta dla Ntendënza, tla streda Binder a Bulsan.
Per l ann de scola 2010-11 vën la suplënzes di nsenianc che ie tla graduatories provinzieles, sëurandates n vënderdi ai 6 de agost. La Ntendënza Ladina lecorda che chësta sëurandata per la scoles ladines scumencerà dala 9 da duman tla sënta a Bulsan.
I candidac muessa se prejenté cun n documënt de identità. Sce i candidac ne possa nia jì de persona a Bulsan, possi se lascé reprejenté da na persona de referimënt cun delega scrita. Duc i nteressei ie nviei a se prejenté tla Ntendënza ladina.
L diretëur de repartizion per la scola y cultura ladina, Alexander Prinoth lecorda che per l proscimo ann de scola ne vëniel nia sëurandat stieres de rodul per la scoles elementeres, mesanes y autes. Chësc sun la basa dl plann dla stieres per l ann de scola 2010-11 y di resultac dla vela dla stieres de rodul dal ann passà.
as
