Atualità
Esther Schena tla Trienala Ladina
USP – La Trienala Ladina, che é rovada a süa terza ediziun, é por le pröm iade gnüda daurida ince a artisc; di Grijuns. Esther Schena de Müstair alda pro i sis artisc che podarà mëte fora süa opera tl Museum Ladin. L’argomënt dl concurs por la Trienala Ladina da en chësc ann é “Tl museum por comuniché…”.
Esther Schena à scomencè so tru artistich cun 14 agn canche ara à fat n curs tla scora d’ert figurativa a St. Gallen. Diesc agn plü tert éra spo gnüda tla Talia a studié al’Academia d’Ert a Firenze. Do na palsa de dui agn éra jüda a Turic por fà cater agn de stüdi d’ert figurativa tla scora d’ert y design. Danterite àra inće fat n semester foradecà tla “School Of The Museum Of Fine Arts” de Boston.
Esther Schena é nasciüda dl 1976 a Coira, ara é chersciüda sö a Müstair y vir y laôra śëgn a Turic.
Esther Schena se fej lerch te sü chedri depënć te interiurs foresć y mët adöm impresciuns dl momënt chîtes, delicates. En pert sciöche tocada dal flash, recorda sü laûrs i trompe-l’oeils o les fotografies dl momënt; l’aiet dl caje pónera spo ite avisa. Sce an ti ćiara plü daimprò s’intënn l’osservadù indere che l’opera emanëia na composiziun costruida, gonot inće malinconica. I chedri sgrefeda morjel sön la spersa dla vita da vigni dé idiliaca y ascogn nia dainré prospetives da stè ert. Na critica chîta se fej lerch tl cheder, te chël che n angel de marlüca pascentè verda sön televijiun, deperpo che les noeles va inant, y che al vëgn incundé vigni dé catastrofes nöies. Mo ala fin ti nen vara ala artista plü co ater dla osservaziun chîta dla vita da vigni dé co de anotaziuns critich-soziales. Inće sce al manćia rapresentaziuns de porsones se mëtel adöm tles series de chedri tòch por tòch portraits intims. Fostüs lascià indô y ogeć, cun chi che la porsona se fej ia da ion o cosses che vëgn ascognüdes iadô portes dan dai edli foresć, dà dant caraters y trasmët vijiuns personales.
(Charlotte Matter)
Reconescënzes
2010 Sojornanza foradecà /Cité internationale des arts Paris
2009 Pest, Ćiantun Grijuns
Mostres individuales
2009 TAGLIAR IL VENT Galaria Fravi, Domat Ems
2008 “FERMADA SÜN DUMONDA, HALT AUF VERLANGEN” Kunstraum R57, Turic
Mostres coletives
2010
MUSEUM LADIN ĆIASTEL DE TOR, San Martin de Tor, Badia /Talia
KULTURSOMMER MELS, DENKPAUSE, Kunst im öffentlichen Raum, Mels SG
IDENTITÉ SUISSE Centre PasquArt Biel / Bienne
2009
LIEBER MALERIN MALE MICH conzet de Anja Moers, Station 21, Turic
HERR BRUN conzet de Johanna Bossart, KunstRaum R57, Turic
2008 BILDWELTEN 2, esposiziun de dezëmber KunstRaum R57, Turic
SCHWEIZ FÜR ALLE! Pasinger Fabrik Minca
ATYPISCHES UTOPISCHES Kulturgucker Babette Werth, Berlin
ERSTE KERNAUSSTELLUNG Kunsthalle Frauenfeld
PLATTFORM 08, EWZ Unterwerk Selnau, Turic
2007
DICHTE BILDWELTEN esposiziun de dezëmber KunstRaum R57, Turic
DIPLOMAUSSTELLUNG, F+F Scora d’ert y design, Turic
AUSEINANDERSETZUNG, Universitätsspital, Turic
2006
KUNSTAUSSCHAUSTELLUNG, Galaria Nordstrasse, Turic
THE WALL: GRAPHIT PLUS TWO, bf Annex Gallery, Boston
THE SCROLL Project Space, SMFA Boston
2005
FLUFF ANTI FLUSS – Fash’N’Riot, Coleman Projects, London
2004 USE-GO-ART Alte Usego, Olten
2002 KUNST UND LANDSCHAFT Kulturgucker, Kabinettausstellung, Berlin
2001 EXPOSIZIUN DA NADAL, Museum Chasa Jaura, Valchava
2000 Premi Cultural Paradies, Scuol
as
