Atualità
III. Trienala Ladina gëura ai 23 de lugio
USP – La terza edizion dla mostra artistica Trienala Ladina unirà giaurida n vënderdi che vën ai 23 de lugio dal presidënt dla Provinzia Luis Durnwalder y l’assessëura dl Tirol Beate Palfrader tl Museum Ladin. La Trienala da chëst ann ie dedicheda al argumënt “Tl museum per comuniché...”
Danter i 36 artisć che à fat pea la III. Trienala Ladina, cun 33 ladins, doi dl Friul y una di Grijons, à la giuria cris ora sies artisć: Peter Demetz de Urtijëi y Romana Prinoth de Sëlva, Ester Schena di Grijons, Claus Vittur da La Ila y Barbara Tavella dal La Val cun Veronica Zanoner de Moena.
La terza edizion dla Trienala ladina unirà giaurida n vënderdi 23 de lugio dala sies da sëira tl Museum Ladin a S.Martin de Tor dal presidënt dla Provinzia Luis Durnwalder y l’assessëura dl Tirol Beate Palfrader. Per chësta ucajion unirà nce adalerch l curadëur Adam Budak, l scultëur Richard Agreiter, l diretëur Stefan Planker y l presidënt dl museum Heinrich Huber.
Deberieda cun la giaurida dla Trienala uniral nce sëurandat l pest d’ert dunà da Richard Agreiter.
Cun la Trienala Ladina vëniel pità ucajion ai artisć dla valedes ladines de se prejenté y de se ancunté danter artisć dl Tirol storich, dla valedes ladines dla Dolomites, Grijons y Friul.
Culaburadëures di media ie nviei ala giaurida dla III. Trienala Ladina
n vënderdi 23 de lugio dala 18.00
tl Museum Ladin Ciastel de Tor
a San Martin de Tor
y de fé al savëi ala populazion.
as
