Atualità
Mostra sun la Dolomites y festa 30 ani parch naturel ai 21 de lugio a Al Plan
USP – La Dolomites sciche arpejon mundiela UNESCO ie argumënt de na mostra de fotografies ala lergia che unirà giaurida a Al Plan de Mareo. L assessëur provinziel Michl Laimer deberieda cun l ambolt Albert Palfrader taierà n mierculdi 21 de lugio dala sies da sëira la vëta de chësta mostra.
Dan n ann ie la Dolomites unides azetedes dal UNESCO sciche arpejon naturela mundiela. Na udleda particulera ala Dolomites pieta la mostra ala lergia che unirà giaurida sun plaza de paisc a Al Plan. Da udëi saral fotografies dla Dolomites fates da Alfred Erardi che ti à dat l titul „Sciöche al nasc les imajes“. Cun la giaurida dla mostra de fotografies vëniel nce festejà i 30 ani dl Parch naturel Fanes-Sennes-Braies.
as
