Atualità

Desvalì | 22.07.2010 | 16:31

Suta ora de mesura: Badia danter i raions plu tuchei

USP – Dal 20 de juni ne al tla provinzia de Bulsan nia plu pluët sun de majera sperses. La Val Badia ie un di set raions ulache de lugio iel me tumà puec litri de plueia per meter cuadrat, nsci la stazion provinziela dal tëmp. La Ila ie danter i chìndesc luesc plu suc dla provinzia de Bulsan.

I ani passei ie lugio stat n mëns cun truepa plueia. “Chëst ann ie dut autramënter, la prescion auta dl’Azores ie da enes drët sterscia y la plueia à tosc na carateristica mediterana” spiega l metereologh Daniel Schrott. Dal ultimo frëit, ai 20 de juni iel śën n mëns che l ne à nia plu pluët sun de majera sperses. Nchinamei i temporai tipics da instà ne ie te vel raions nia unic a se l dé.

La Val Badia ie deberieda cun la val Venuesta dessot, Maran, la valeda dl Adesc, Bulsan, Unterland/Überetsch y la val de Luson danter i raions plu suc ulache l à me pluët puec litri per meter cuadrat. L manco plueia ie dal 22 de juni unida a Auer cun trëi litri per meter cuadrat. Danter i luesc cun l manco plueia te chësc ultimo mëns iel Mantëna Todëscia cun 9,8 litri y La Ila cun 10,4 litri per meter cuadrat (14esima y 15esima posizion).

La suta devënta cun l gran ciaut mo piecia. “Te vel raions da surëdl mienen che l ie bele d’autonn ajache la fueia giapa culëur, ti prei nia blandei ne crëscel nia plu scialdi y l pericul de meldefuech tl bosch ie grant” dij Schrott.

I puec temporai che ie unic ntan l’ultima enes te singuli raions ie me stai curc y perchël ne se l à l fonz nia fata a tò su l’ega.

N cont de temperatures ie l lugio te dut Südtirol da record. Da 90 ani, da canche l ie unì scumencià a scrì su la temperatures, ne iel de lugio nia stat tan ciaut.

I luesc plu suc dal 22 de juni 2010:

as

Galaria dales fotografies

Vel prei ie tan suiei ora che l semea de vester d’autonn; foto USP.