Atualità
Turism da inviern 2009/10 – Ladins sëura la media
USP – Ti sies mënsc da d’inviern 2009/10 iel unì cumpedà 2,3 milions de persones unides adalerch, afitan da ndut 11,2 milions de nuetes. L Istitut de Statistica ASTAT à chësc cumpedà tla 10.235 strutures d’albierc tla provinzia de Bulsan. Permez ai medemi mënsc dl ann dant iel unì arjont 2,7% de plu persones unides adalerch y nce la nuetes afitedes ie cun n plu de 2,1% inò states miëures tenian cont che l ann passà fovel stat 1,2% demanco. Chësta cumpëides mostra su la miëura sajon da inviern che ie nchinamo unida arjonta tl Südtirol. N cont de nuetes afitedes ie duc i 8 chemuns ladins sëura la media.
L’ultima publicazion dl ASTAT sun la sajon turistica da inviern mostra danterauter nce su la cumpëides ti chemuns ladins.
A La Val iel cun +7,2% de fulestieres unic adalerch unì arjont l majer aumënt danter Gherdëina y val Badia permez al ann passà. Tla statistica dla persones unides adalerch ie me San Martin cun +1,1% sota la media provinziela. Nce pra la cumpëida dla nuetes afitedes a La Val arjont l majer aumënt cun +6,5%.
Cumpëides 2009/10
| pers. unides adalerch | nuetes afitedes |
La Val | +7,2% | +6,5% |
Badia | +6,5% | +5,9% |
Corvara | +4,6% | +5,9% |
S.Crestina | +6,2% | +5,8% |
Mareo | +3,5% | +4,2% |
S.Martin | +1,1% | +3,8% |
Urtijëi | +6,2% | +3,4% |
Sëlva | +2,9% | +2,2% |
Media ladina | +4,8% | +4,7% |
Media provinziela | +2,7% | +2,1% |
(La lista cumpleta ie tla njonta)
as
