Atualità
N vënderdi ai 6: sëurandata dla suplënzes ladines
USP - La suplënzes tla scoles ladines per l proscimo ann de scola unirà sëurandates n vënderdi ai 6 de agost, dala 9 danmesdì tla sënta dla Ntendënza, tla streda Binder a Bulsan.
Per l ann de scola 2010-11 vën la suplënzes di nsenianc che ie tla graduatories provinzieles, sëurandates n vënderdi ai 6 de agost. La Ntendënza Ladina fej al savëi che chësta sëurandata per la scoles ladines scumencerà dala 9 da duman tla sënta a Bulsan.
I candidac muessa se prejenté cun n documënt de identità. Sce i candidac ne possa nia jì de persona a Bulsan, possi se lascé reprejenté da na persona de referimënt cun delega scrita. Duc i nteressei ie nviei a se prejenté tla Ntendënza ladina.
Ai 6 de agost vëniel sëurandata suplënzes ma nia stieres de rodul per la scoles elementeres, mesanes y autes ladines.
as
