Atualità
La mostra „Perat“ gëura ai 6 de agost tl Istitut Ladin
USP – N vënderdi ai 6 de agost uniral tl Istitut Ladin Mirucrà de Rü giaurì na mostra de fotografies sun la Dolomites de Gustav Willeit. L se trata dla terza de ndut cater mostres artistiches ntan chësc instà metudes a jì n culaburazion cun la lia “Ert por i Ladins”. La giaurida ai 6 de agost a S. Martin de Tor scumëncia dala 6 da sëira.
Gustav Willeit studieia bele da plu ani la Dolomites che stramuda aldò dla sajons, dl tëmp, dl linëus y dla dumbries. Tla sënta dl Istitut Ladin a San Martin puderan udëi fotografies te n majer formata che Willeit à fat sun nosta montes. L artist badiot abiteia danter Corvara, La Ila y Turć (Zürich).
Pra la giaurida dla mostra dal titul “Perat” saral danterauter nce da audì na performance musicala de Max Castlunger.
as
