Atualità
Ejam da ciacia: iscrizions nchin ala fin de agost
USP – Nchin ala fin de agost à nteressei a deventé iagri mo dl’aurela per se scrì ite al ejam da ciacia tl Ufize provinziel per la ciacia. I ejams unirà tenii ala fin de setëmber y prims de utober a San Laurënz y Maran/Obermais.
L’ejam de stlupeté unirà tenì ai 29 y 30 de setëmber a S.Laurënz. A Maran/Obermais uniral tëut ju l ejam de stlupeté y a usc dal 5 ai 8 y pona ai 12 y 13 de utober. Nteressei possa se scrì ite nchin ai 31 de agost tl Ufize provinziel per la ciacia, streda Brenner 6 a Bulsan. La dumanda ie da dé ite sun papier da bol (14,62 euro) dajan nce ju l numer de telefonn. I formuleres aldò ie publichei sun la plates internetwww.provinz.bz.it/forst/3204. Chiche uel nce fé l ejam da stlupeté muessa junté pro ala dumanda n’atestazion dl dutor, che ie debujën per la lizënza de ermes da ciacia.
Per pratiga de stlupeté ie l banch dal scies de S. Laurënz dal 23 de agost a desposizion, plu avisa de mierculdi y vënderdi sëira. Nfurmazions giaten al numer de telefonn 0474 474278.
Ai candidac de ejam uniral fat al savëi per scrit l di y l’ëura dl’ejam. Nfurmazions plu avisa possen damandé do tl Ufize provinziel per la ciacia cherdan su l 0471 415175.
as
