Atualità
Sëurandat stieres tla scoles de mujiga
USP – La scoles de mujiga de rujeneda tudëscia y ladina se anjinia al proscimo ann de scola. Chisc dis iel unì sëurandat passa 120 stieres. Tla scoles ladines ie unì sëurandat n pue’passa mesa la stieres a desposizion.
A na maniera che l nseniamënt posse d’autonn mëter man per tëmp, iel ai 4 y 5 de agost unì sëurandat tl Istitut per nseniamënt de mujiga la stieres de rodul y a tëmp determinà.
De nudt fovel 135 stieres a desposizion, che ie diesc percënt demanco che l ann passà: 122 stieres per la scoles de mujiga tudësces y 13 per la ladines. De duta chësta stieres ie 19 a tëmp plën.
Tla scoles de mujiga ladines iel unì sëurandat stieres per l nseniamënt de flaut, pedagogia musichela, chitara, armonica, y viulin per de ndut 115 ëura de nseniamënt. L resta mo da sëurandé stieres per nseniamënt de chitara, tlarinet, percuscion, strumënc de banda, cianté y zitra.
Bele d’ansciuda ova 20 nsenianc giapà la stiera de rodul dal Istitut per educazion musichela de rujeneda tudëscia y ladina.as
