Atualità
Media de massa y l olocaust: seminar de analisa
USP – Co se astila pa aldidancuei i media de massa cun l olocaust? Can vëniel pa tra ca per paredlé, cun ce fins y can iel pa drët fé n parëdl? Dumandes che l referënt Kurt Gritsch dajerà resposta te n seminar dl Ufize provinziel per media audiovisuei se nuzan de truep ejëmpli.
Te n di ntier de furmazion uniral tratà co che l olocaust vën dai ani 90 adurvà dai media de massa tl mont uzidentel. Hans Magnus Enzensberger ova ntlëuta trat ca l argumënt paredlan Saddam Hussein cun Adolf Hitler. L referënt Gritsch analisea l paredlé dla Shoa te zaites tudësces, nglëijes y americanes, ma nce te media audiovisuei. Co à pa Serbesc dla Bosnia pudù deventé Nazisć? Fova pa Ruanda sciche Auschwitz? Cie fova pa dl lagher tl stadio dal palé de Pristina?
L seminar vën tenì n juebia 26 de agost, dala 9.00 ala 17.30 tla sënta dl’EURAC, streda Drusus 1 a Bulsan. N possa se lascé nuté su tl Ufize provinziel per media audiovisuei, cësa provinziela 7 tl streda Andreas Hofer 18 a Bulsan (tel. 0471 412915; e-mail: av-medien@provinz.bz.it; web: www.provinz.bz.it/av-medien/wb). Per fé pea chësc seminar ne iel nia da paië.
as
