Atualità
L Istitut Ladin gëura ai 20 de agost la cuarta mostra
USP – Cun la giaurida dla mostra de pitures de Lois Irsara tla sënta dl Istitut Ladin a San Martin saral da udëi la cuarta y ultima mostra artistica da chësc instà. La giaurida dla mostra persunela de Irsara per n vënderdi 20 de agost dala sies da sëira fej pert dla scumenciadiva cureda n culaburazion cun la lia “Ert por i Ladins”.
Lois Irsara à cun si stil y cuntenuc fat scola de depënjer tla val Badia. Cun 87 ani ie ël śën l cumëmber plu de tëmp dla lia “Ert por i Ladins”. La mostra persunela de Lois Irsara da San Martin sarà da udëi per diesc dis, nchin ai 30 de agost, tl Istitut Ladin.
La mostra de pitures de Irsara stluj ju la lingia de cater mostres ntan chësc instà tl Istitut Micurà de Rü. Dumëne Comploi che vif danter Mareo Los Angeles à prejentà na nstalazion. Simon Perathoner de Urtijëi à metù ora fotos artistiches. Tla terza mostra iel stat da udëi fotografies dla Dolomites te n majer format de Gustav Willeit.
as
