Atualità
Edizion nueva dl liber di cursc
USP – Sun cënc de plates, atualisedes doi iedesc al ann y dat ora da na sëula istituzion: cun chësta carateristiches se prejënta l’edizion nueva dl liber di cursc data ora dal Ufize provinziel per la furmazion. Ai 20 de agost sarà l’abineda de cursc dan man.
De jené y d’agost dà l Ufize provinziel per la furmazion for inò ora l liber di cursc "zeit für weiterbildung" te chël che l ie da abiné la majera pert di cursc che vën pitei tla provinzia de Bulsan. L’edizion nueva vën ora ai 20 de agost y sarà a giapé te gran pert di ufizies provinziei, biblioteches, Casses Raiffeisen y istituzions de furmazion.
Chiche à nteres ai cursc che vën for inò pitei, possa nce se abuné al liber dai cursc y l giapa nsci doi iedesc al ann te cësa. L tleca cherdé su tl Ufize provinziel per la furmazion (0471 413390 o 0471 413391) o scenó de scrì ora l formuler dl’ultima plata.
Nfurmazions mplu sun la publicazion di cursc giaten tl Ufize provinziel per la furmazion, streda Andreas Hofer 18 a Bulsan. Persones de referimënt ie Brigitte Foppa y Christine Spögler (e-mail: christine.spoegler@provinz.bz.it). La publicazion di cursc nce tl internet sot a www.provinz.bz.it/weiterbildung.
as
