Atualità
Cumbinazion de chertes per i mesuns publics: de valor per l turism
USP – “Se muever zënza auto”. Chësc devënta plu saurì te chëla che possa se nuzé di mesuns de trasport publich a bon priesc y cun gran flessibltà. Gran suzes à la cumbinazion de chertes sciche la Mobilcarad, la museummobil Card o la chertes per i turisc' che pieta l trasport y ntredes a ativiteies cultureles y de tëmp liede. La bona zifres dà rejon al dipartimënt provinziel ala mubilità che pieta chësta cumbinazion de chertes.
“Cun la cumbinazion de chertes iel stat mesun arjonjer che truep turisć che tol gën l’auto ntan la feries, se nuzea for de plu di mesuns publics” dij l assessëur Thomas Widmann.
Nce turisć che uel se nuzé de plu servijes te puech tëmp se nuzea de na sëula cherta per plu cosses. La Mobilcard per 7 dis ie ntan chësta sajon unida adurveda 40.000 iedesc. La cherta Brixen Card cun chëla che n possa furné cun curieres y ferata jan pona nce ti museum o à fé ativiteies de tëmp liede, ie unida nuzeda 50.000 iedesc da 15.000 persones. Chësta cherta ie bele rateda ite tl priesc dl albierch.
Acioche chësta sort de chertes ebe suzes, muessa nce stimené la vela. Ti ani passei iel unì fat de gran miuramënc tla ferates, curieres, stazions y orars. Sun chësta streda uel jì inant l dipartimënt ala mubilità, lauran ora prupostes nueves cun abunamënc che vel sun n ciamp plu lerch.
as
