Atualità
Ai 5 de setëmber uneranza provinziela cun nce Prodi y Moroder
USP - N dumënia ai 5 de setëmber, avisa l anuel de 64 ani dal’acurdanza de Paris, unirà sëurandates la uneranzes dla Provinzia de Bulsan per l 2010. Cun l gran orden al merit uniral tl Ciastel Tirol unerà 12 persunaliteies che se à fat meric particuleres per l svilup dl Südtirol y che ne vif nia tla provinzia.
Per l segondo iede do l 2008, sëurandarà l presidënt Luis Durnwalder y la Jonta provinziela l gran orden al merit dla Provinzia de Bulsan, la majera uneranza istituzionela dla provinzia. Chësta recunescënza unirà chëst ann sëurandata a 12 persunaliteies ora de ciamps defrënc, dala politica ala cultura, ert o aministrazion, che à cuntribuì al svilup dla provinzia de Bulsan.
Unerei unirà l presidënt da dant dl Cunsëi di ministri y dla Cumiscion europea Romano Prodi, l cumisser EU da dant Franz Fischler, l cumponist de Urtijëi Giorgio Moroder, l guru dl bënsté Henri Chenot, l mister al’istruzion dl’Austra da dant Hilde Hawlicek, l diplomat a Viena da dant y magistrat pra la suneria europea Franz Matscher, l presidënt dl Austria auta Josef Pühringer, l cumandant da dant di Alpini Ivan Felice Resce, l storich y presidënt dla Fundazion culturela dl Bayern “Messerschmitt” Hans Heinrich von Srbik, l presidënt da dant dl Tirol Alois Partl, l presidënt dl Bayerischer Rundfunk Thomas Gruber y espert d’ert y mecenate dl Lichtenstein Herbert Batline.
La zeremonia de sëurandata cun l presidënt Durnwalder y i assessëures provinziei ie prugrameda per
dumënia 5 setëmber
dala 11 danmesdì
tla sala di ciavalieres dl Ciastel Tirol.
as
