Atualità
Ai 9 de setëmber gëura a S.Crestina la mostra sun la Dolomites
USP – La Dolomites da duman abenëura, pizes che passa ora n mer de nibl, ciofs y tieres da daujin: per capì la marueia y la belëza de nosta montes muessen les avëi ududes. Ai 9 de setëmber uniral a S.Crestina giaurì na mostra de fotografies sun la Dolomites.
I parcs naturei dla provinzia de Bulsan ie dan passa n ann unic detlarei arpejon mundiela UNESCO. L parch naturel Puez-Odles ie pert dl Chemun de S.Crestina y nsci saral tlo nce da udëi la gran mostra de fotografies ala lergia. Per passa trëi enes puderan udëi tl zënter dl luech la fotos de Alfred Erardi che ti à dat l titul „Sciche l nasc la imajes“. Cun 32 fotos lerges 2 metri y autes 1,3 metri vëniel mustrà i parcs naturei dla provinzia de Bulsan che fej pert dla Dolomites arpejon mudiela UNESCO.
as
