Atualità
Manco burocrazia: paiamënc dla Provinzia online
USP – I paiamënc dla Provinzia jirà da moinla plu riesc y a na maniera plu scëmpla. Chësc ie mesun tres la ntroduzion di paiamënc online mpede la maniera de lëur cun truep papier. “Sibe l barat di documënc che va debujën, che nce i paiamënc nstësc unirà fai sun via eletronica” nscì l assessëur ala finanzes Roberto Bizzo.
La tecnologies nueves de nfurmazion y comunicazion ie la seves per smëndrì burocrazia, sun chëles che la Provinzia se stiza for de plu. Cun chisc media nueves iel śën nce mesun fé i paiamënc dla Provinzia. Nchinamo messova la contes n iede unì registredes, pona fovel debujen de anjenië y firmé la zedules dan les mandé per posta. Śën vën dut chësc fat tres computer. “Cun i sistems nueves sparanion tëmp, scioldi y burocrazia” dij l assessëur Bizzo.
Cuncretamënter uel chësc di che i paiamënc possa unì damandei al ufize de cumpetënza sun documënc digitei cun na firma digitela. L ufize fej pona ënghe l paiamënt nstës sun via eletronica. Nce i documënc de cumpaniamënt sciche la mutivazion per l paiamënt ne vën nia plu fai sun papier ma me sun l computer.
La provinzia à digitalisà duta la pruzedura di paiamënc. Śën nvieia l assessëur Bizzo a mandé ite la contes sun via digitela per pudëi lauré mo plu debota y a na maniera plu scëmpla.
as
