Atualità
Ancunteda di Cronisc’ a Wattens
USP – Feter 700 cronisc’ dal Tirol dl Nord, Est y Sud se dedichea ala documentazion de tant che suzed te si luech. N dumënia, 3 de utober, se à i cronisc’ de chisc raions ancuntà per n barat y per rujené de proiec deberieda.
Pra l‘ancunteda di cronisć a Wattens fovel nce l’archiviaria provinziela Christine Rolio y Margit Pizzinini, respunsabla per la cronica tl Archif provinziel, che dal 1994 se à sëurantëut di cronisć tla provinzia de Bulsan.
Bele 40 ani vëniel de la y de ca dl Prëner nutà su cie che suzed ti luesc. Tenian cont dla region europeica cëlen de curé y defënder l’unità culturela dl Tirol. Te proiec sciche la registrazion de pitli toponims iel debujën de na culaburazion nsci sciche l ie nce stat tl ann de cumemorazion 2009.
Danter la manieres de lëur iel la tecniches de documentazion y l’archiviazion de fotografies. Chësta tecniches mpera ulenteres tres cursc che vën pitei dal Tiroler Bildungsforum y dal Archif provinziel a Bulsan.
as
