Atualità
Analises sun la streda de Plan de Gralba
USP – Sun la streda di jëufs danter Plan y Plan de Gralba iel da n lunesc, 11 de utober da fé cont cun n semafer. La rejon ie che l Ufize provinziel per la stredes fej analises dla fundamënta de streda. I lëures ie udui dant nchin ala fin de utober.
La streda da Plan suvier ie te n raion geologicamënter critich. Dan che l possa unì fat cumedures per stabilisé la streda y a luesc la slargë, iel debujën de analises dl fonz. Tl cheder dla proietazion de mascima da pert dl Ufize provinziel per la stredes, adroven la nfurmazions dl fonz per proieté i pruvedimënc plu adatei.Ntan i lëures puderà l muvimënt de streda se baraté jù per direzion aldò de n semafer. Chësta regulamentazion per l muvimënt de streda danter l 11 y 30 de utober reverda nce la dumënies.
as
