Atualità
Promozion dla rujenedes tla scoles ladines: cunferënza stampa ai 21 de utober
USP – La scola y scolina ladina possa se stizé sun ani de esperienza tla promozion dla rujenedes. L cunzet y la planificazion sun chël che ie fat sun de plu scumenciadives, l’alfabetisazion, didatica, materiai y l servisc nuef unirà n juebia ai 21 de utober prejentei ai media.
Tla scolines ladines vëniel studia y valutà scumenciadives plurilinguales, tla prima tlasses dl’elementeres vëniel fat alfabetisazion cun de plu rujenedes, a livel de Ntendënza vëniel fat nrescides sun la didatica dla rujenedes. Ma l cunzet dla promozion dla rujenedes tla valedes ladines à da chëst ann de scola nce n servisc nuef che se da ju cun la promozion dl plurilinguism y l alfabetisazion.
Dut l cunzet y la planificazion de nsenië duta la rujenedes aldò dla didatica plurilinguala unirà prejentà te na cunferënza stampa a Bulsan.
L argumënt, zentrel per la scola ladina possa nce nteressé l’autra grupes de rujeneda. “Prejenteron i resultac de ani de esperienza tl plurilinguism cialan nce al daunì per seguré chësta arjontes” spiega l ntendënt Roland Verra che vëija te chësta prejentazion nce n cuntribut scientifich ala descuscion sun l plurilinguism tla provinzia de Bulsan.
Culaburadëures di media ie nviei ala cunferënza stampa
n juebia, 21 utober dala 11.00 danmesdì
tla palaz Widmann, streda Crispi 1 a Bulsan
y de cunedì i cuntenuc dl argumënt.
as
