Atualità
Jonta provinziela: spedel de Sanciana/Innichen
USP – La Jonta provinziela à te si senteda da ncuei (25 utober) nce rujenà dla prutestes n cont dla reforma tlinica per chël che reverda l spedel de Sanciana/Innichen. - Nvit de Durnwalder ai ujins de sëuramont.
Te cunferënza stampa à l presidënt Durnwalder stlarì che al spedel de Sanciana/Innichen ne ti vëniel nia tëut velch, ma nchinamei metù leprò. Te duta la provinzia de Bulsan resterà i 7 spedei n funzion y l servisc de basa unirà mantenì. Per la repartizion dla nascites, ulache a Sanciana/Innichen ne arjonjen nia la cumpëides minimes, an deberieda cun i Chemuns bele abinà n model per la mantenì nce tl daunì. Tl cheder dla reforma tlinica giaperà uni spedel nce n servisc provinziel da nuef leprò.
“Per la populazion ujina de sëuramont iesen a desposizion per na culaburazion” à detlarà Luis Durnwalder. Per i servijes che ie bele unì pitei ala jënt de Cortina y Comelico aspieten a Bulsan bele 6-7 ani sun i paiamënc che ne cuer nianca l custimënt di servijes. Durnwalder nvieia perchël la populazion de sëuramont de ntervenì pra si Region acioche chisc paiamënc ne sibe nia tan tardives. Da pert de Bulsan, nsci l Presidënt, iesen a una de adurvé per l spedel de Sanciana/Innichen la 40 milion de euro per culaburazions cun i chemuns de sëida (udui dant tl’acurdanza de Milan cun l Guviern a Roma).
as
