Atualità
Jonta provinziela: uties dl CAI
USP – 25 uties da mont passa cun scumenciamënt dl 2011 ala Provinzia. Co che chëstes dëssa unì aministredes ne san al mumënt nia. Cun n articul dla lege finanziera vëniel udù dant de slungë de n ann l sistem de aministrazion atuel. La Jonta provinziela à ncuei (25 utober) tratà chësc argumënt.
Per ruvé a una an bele paredlà ideies cun la Lies da Mont y fat analises dla situazion. L presidënt Durnwalder à do la senteda dla Jonta cunedì che i gestëures possa lauré inant y che la Provinzia garantësc la nvestizions che ie debujën. Nce ai tlienc, la jënt che va da mont su, vëniel segurà che la uties resterà daviertes y che les unirà cumededes ca.
L presidënt Durnwalder à nfurmà i assessëures dl’ancunteda dal’ultima ena cun presidënt dl CAI Umberto Martini ulache l ti ie unì fat al savëi co che la Jonta provinziela uel jì inant l ann che vën.
as
