Atualità
Analisa sun campanies contra l fum y la cunseguënza dl tumor
USP – Truep caji de tumor tl Südtirol dëssa vester gaujei dal fumé. Sun pruposta de dutores à la Jonta provinziela dat pro de fé n’analisa sce l tumor taca propi adum cun l fumé y sce la campanies de prevenzion porta nce resultac.
Aldò dl sistem de cuntrol PASSI 2009 fuma 26% dla populazion de Südtirol danter 18 y 69 ani. N studi sun la sanità di sculeies à mustrà su che tl ann de scola 2009/10 iel stat 31% de chëi de 15 ani che fuma.
Per l’analisa sun l fumé iel unì cris ora l luech de Altrei. Chësc luech se adatea drët bën per fé l’analisa davia che l ie nia tan grant. “Sciche resultat se aspitons nce de udëi sce la campanies de prevenzion porta veramënter resultac positives” à dit Durnwalder te cunferënza stampa do la senteda dla Jonta. L custimënt dat pro per chësta analisa ie de 7.800 euro.
as
