Atualità
La pert auta dl furtin de Furtëza vën mantenì
USP – La pert auta dl furtin a Furtëza muessa unì cumededa ca. La Jonta provinziela à dat pro che l dëssa unì fat lëures per mantenì chësta pert che ie de gran valor architetonich y pieta na luegia adateda per manifestazions.
Do che l ressanamënt dla pert dessot dl furtin ie drët garatà, vëniel śën pensà ala pert che ie sëura l’autostreda che passa a Furtëza. Chësta pert ne ie nchinamo nia drë unida cunscidreda, scebën che la ne ie nia manco nteressanta che la pert dessot. La pieta na bela cumpëida de majeri locai che se adateda drët bën per manifestazions.
“Sce n uel ressané duta la pert auta dl furtin fajan nce la streda da ruvé permez, muessen fé cont cun n custimënt de feter 40 milion de euro” à dit Durnwalder. Na tel soma ne an śën n iede nia da tò ca, pechël uelen n iede fé n prim var. La va de seguré chësta pert dl furtin per scunjeré n majer dann y acioche la possa te n segondo mumënt unì giaurida al publich. L assessëur ai lëures publics ie unì nciarià de anjeniei i proiec aldò.
as
