Atualità
La Provinzia vënd si pert de sies sozieteies
USP - La Provinzia de Bulsan zapa ora de 6 sozieteies sun 26. Chësta dezijion à i assessëures provinziei tëut (ncuei) ai 30 de dezëmber. La pertes che vën vendudes reverda la Brennercom, Sadobre, Interbrennero y l Hotel Terme de Maran.
Sciche udù dant dal’Union Europeica ne dëssa l’aministrazions publiches nia fé pert de sozieteies cun fins istituzionei y nia cumerzei. Se tenian a chësta desposizion à la Jonta provinziela data pro n program per mantenì o vënder partezipazions. Danter dut l avëi tla forma in house, la maiuranzes o nce minuranzes, fej la Provinzia Autonoma de Bulsan pert de 26 sozieteies. “La pert provinziela de sies sozieteies unirà venduda” à detlarà Durnwalder. Chësta ie l hotel Terme de Maran (cuncors bele scrit ora, prupostes possa unì dates ju nchin de fauré), la Sadobre (n pert vele vendù ala sozietà dl autostreda dl Prëner), la Brennercom (42,35%), l Interbrennero (16,7%), la Großmarkthalle/ Mercato generale (10%) y la FINBTB (drët na pitla pert).
L program dat pro dala Jonta vëija dant de mantenì dut l avëi de diesc sozieteies in house (ABD, BLS, Agenzia CasaClima, STA, Terme Merano, SIAG, TIS, Areale Bolzano, Ecocenter, Hospital Parking) y na pert dla SEL, Fiera Bolzano, Autobrennero, AAM, Central Parking, IIT, Mediocredito Trentino Alto Adige, Aeroporto Catullo Verona, STR e TFB.
as
