Atualità
Bulsan y Trënt deberieda per n program europeich di zënza lëur
USP – La Jonta provinziela ie stata a una de se mëter adum cun Trënt per fé pert de n program europeich a sustëni de persones che à perdù l lëur.
La Comunità Europea à udù dant suvenzions te cajo ulache te l medemo ciamp de lëur iel ntan i ultimi 9 mënsc jit perdù passa 500 stieres. N generel an tlo da nëus sentì demaco la crisa economica permez a d’autra pertes d’Europa. L ciamp che se l’à paieda de plu tlo da nëus ie stat l frabiché.
Davia che a livel provinziel ne an nia la cumpëides minimes ie i assessëures provinziei stai a una de se mëter adum cun Trënt y damandé deberieda la suvenzions aldò dl program EGF (Europäischer Fond für die Anpassung an die Globalisierung).
as
