Atualità
Cumiscion de candidatura a Capitela culturela 2019
USP – La Jonta provinziela à numinà reprejentanc dla Provinzia de Bulsan per la cumiscion de candidatura dl Nordest Talia ala numinazion de capitela europea dla cultura per l ann 2019. La Jonta provinziela à numinà trëi persones, per la trëi grupes de rujeneda.
Deberieda cun Unieja ie dut l raion dl Nordest dla Talia che se candidea a deventé capitela culturela tl 2019. Do n sistem de rotazion ti spieta chësta recunescënza tl ann 2019 ala Talia. La Provinzia de Bulsan uel te chësta ucajion mustré su si particularità sciche raion de sëida cun n bon cunviver dla grupes de rujeneda. Tla cumiscion de candidatura reprejenterà Alexander Piccolruaz la grupa de rujeneda ladina. Ël lëura tl ufize provinziel per la Cultura Ladina. La diretëura dl dipartimënt per la cultura tudëscia Karin Dalla Torre y la diretëura dla repartizion per la cultura taliana Katia Tenti ie unides numinedes a reprejenté l’autra grupes de rujeneda.
Nchin dl 2012 dëssel unì prejentà n proiet a dl 2013 saral pona l Cunsëi europeich a crì ora la sënta taliana. Per chësta recunescënza muessa l Nordest dla Talia danterauter se la fé valëi permez a Torino cun provinzia, L’Aquila, Siena, Matera y Palermo.
as
