Atualità
Cooperazion Provinzia – Università per la recunescënza dl bilinguism
USP – L’Università de Bulsan se à sëurantëut la ncëria de valuté ciun nseniamënt universiter tla Talia o oradecà che dëssa unì recunesciù per l bilinguism. La cooperazion danter Provinzia y Università de Bulsan ie unida azeteda (ncuei) ai 31 de jené dala Jonta provinziela.
L ann passa ova l guviern dat ora na norma de atuazion che recunësc l bilinguism tudësch-talian cun la matura te una rujeneda y l università tl’autra. Tl’Università de Bulsan y tla Claudiana iel l nseniamënt spartì su do medema pertes per tudësch, talian y nglëisc, y ne vel perchël nia per bilinguism.
Al zënter linguistich dl’Università de Bulsan ti iel unì recunesciù la cumpetënza de valuté sce n nseniamënt universiter possa nce valëi per l bilinguism. L zënter linguistich à giapà la ncëira de zertifiché ciun nseniamënt che porta ala recunescënza automatica per l ejam de bilinguism.
as
