Atualità
Merdi dala 18.00, forum online cun Durnwalder
USP – Duman merdi (8 fauré), dala 18.00 nchin la 20.00 sarà l presidënt dla provinzia Durnwalder a desposizion per respuender ala dumandes de duc i nteressei. Chësc forum vën pità tres internet sun la plates provinzieles (www.provinzia.bz.it) ulache n possa mandé ite la dumandes y pona nce liejer la respostes.
La forma moderna per dialoghé cun l presidënt dla provinzia vën piteda per doi ëura. Te chësc tëmp cialerà Durnwalder de respuender al plu dumandes puscibl. L forum online scumëncia duman merdi dala sies da sëira y jirà inant nchin la ot da sëira. La dumandes possa unì mandedes ite diretamënter tres la plates provinzieles (www.provinzia.bz.it), te na rubrica anjenieda per l’ucajion.
Dut l forum cun dumandes y respostes ie per duc da pudëi liejer pea. Chi che ne uel nstess nia fé vel dumanda, ma che uel mpo vester leprò tl dialogh danter zitadins y presidënt dla provinzia, ie nvià sun la plates provinzieles.
as
