Atualità
Ai 25 de fauré gëura la scola prufesciunela a Urtijëi si portes
USP – I mestieres dl artejanat artistich à purtà bënsté y cualità de vita te Gherdëina. Chisc mestieres pieta mo for na bona basa de furmazion per jëuni che à na bona man artistica. N vënderdi ai 25 de fauré possa duc i nteressei vijité la scola prufesciunela a Urtijëi y se fé n cheder dl nseniamënt che vën pità n auter ann tl cuntest dla reforma dla scola auta.
L di dla porta davierta tla scola prufesciunela a Urtijëi scumëncia dala 9 da duman y jirà inant nchin la cinch domesdì cun na pausa da marënda (12.00 nchin la 14.00). L sarà i nsenianc cun i sculeies nstësc a prejenté i cuntenuc de nseniamënt y i lëures pratiches che vën fai tl cuntest dl artejanat artistich. L lëur artistich dl lën vën nsenià te de plu berstotes dedichedes al ziplé, mudelé, dësseni, depënjer y turné. Dut chësc vën pità tla strutura nueva, che ie permò unida giaurida dan trëi ani.
Ntan l di dla porta davierta puderà duc i vijitadëures nstësc deventé creatives y depënjer pea n majer cheder.
La scola prufesciunela de Urtijëi ie fat su sun doi pertes. Ti prim trëi ani ie dedichei a na furmazion artistica de basa ulache l vën nsenià materies de cultura generela deberieda cun la la teorica spezifica dl’ert. Feter na terza pert dla 38 ëures de nseniamënt al’ena vën fates te berstot ulache l vën mudelà y ulache n possa crì ora danter ziplé y depënjer. Do avëi fat chisc prim trëi ani possa i sculeies fé l ejam da fant.
Mo plu nseniamënt de pratica vëniel pità ti doi ani de spezialistazion de ziplé. Nfati, nce tl cuarto y cuinto ann de scola vëniel pità 38 ëura de nseniamënt al’ena, ma tlo cun passa 70% dl ëures dedichedes ala pratica te berstot. Cun i doi ani de spezialisazion de ziplé possa i sculeies pona nce fé l ejam da moster de ziplé.
L’iscrizions ala Scola prufescionela per l artejanat artistich a Urtijëi vën tëutes su nchin ai 31 merz tla direzion de scola. Per nfurmazion spezifiches possen to su cuntat cun la scola tres internet, sun la plata www.groeden.berufsschule.it, cherdan su al numer de telefon 0471 796733 o passan de persona tla scola prufscionela, tla streda Rezia 295 a Urtijëi.
Scola prufesciunela per l artejanat artistich a Urtijëi
materies | rujeneda de nseniamënt | ëures te 3 ani |
Religion | tudësch | 105 |
Deutsch | tudësch | 315 |
Italiano | talian | 315 |
Ladin | ladin | 105 |
Inglese | talian | 210 |
Gemeinschaftskunde | tudësch | 245 |
EDV – Elektronische Danteverarbeitung | tudësch | 210 |
Mathematik | tudësch | 210 |
Freihandzeichnen | tudësch | 315 |
Arbeitskunde | tudësch | 105 |
Kunstgeschichte | tudësch | 210 |
Leibeserziehung/ed. fisica | tud./tal. | 210 |
Praxis Malen/lab. pittura | tud./tal. | 875* |
Praxis Schnitzen/lab. legno | tud./tal. | 875* |
Praxis Modellieren/lab. plastico | tud./tal. | 385 |
Ëures de ndut |
| 3990 |
Scola prufesciunela: spezialisazion de ziplé
materies | rujeneda de nseniamënt | ëures te 2 ani |
Deutsch | tudësch | 70 |
Gemeinschaftskunde | tudësch | 70 |
Italiano | talian | 140 |
Fachrechnen - Wirtschaftskunde | tudësch | 70 |
Unternehmungsführung | tudësch | 210 |
EDV Anwendungen - Bildbearbeitung | tudësch | 140 |
Kunstgeschichte | tudësch | 140 |
Fachzeichnen | tud./tal. | 140 |
Modellieren | tud./tal. | 385 |
Schnitzen | tud./tal. | 1400 |
Ëures de ndut |
| 2660 |
as
