Atualità
Dumandes per la graudatories de scola ladina nchin ai 18 de merz
USP – Nteressei a nsenië tla scoles ladines possa nchin n vënderdi ai 18 de merz mo de ju la dumandes de unì tëuc su tla graudatories per i nsenianc. Da nuef permez ai ani passei, iel che chëst ann muessa la dumandes unides dates ju tla Ntendënza ladina a Bulsan.
Aldò di tituli da mustré su, possa nteressei a na stiera da nseniant tla scoles ladins unì tëuc su tla graduatories de scola o tla graduatories provinzieles. Prinzipalmënter se tratel de nsenianc che à bele l’abilitazion y de chëi che à me l titul de studi y l’ejam de trilinguism.
La dumandes per unì tëuc su te chësta graduatories muessa unides mandedes ite nchin n vënderdi ai 18 de merz tla Ntendënza Ladina, streda Binder 29 a Bulsan. Nchin al ann passà univa chësta dumandes mo tëutes ju tla singula direzions de scola.
La dumandes per la defrënta graduatories muessa unì fates sun i formuleres che ie da abiné sun la plates internet dla Ntendënza ladina www.provincia.bz.it/ntendenza-ladina/argumenc/graduatories.asp
Nfurmazions plu avisa possen damandé do pra Carla Pedevilla tel 0471-147015 (scoles elementeres) y pra Paul Tasser, tel. 0471-417018 (scoles autes).
as
