Atualità
Ai 7 de auril se mesura sculeies ladins tl hockey
USP - N juebia ai 7 de auril se anconta i sculeies dla valedes ladines tl stadio dala dlacia de Sëlva per n turnoi interladin de hockey.
L servisc dl sport scolastich dla Ntendënza Ladina deberieda cun i cuordinadëures dl sport dl’autra provinzies mët a jì n turnoi de hockey per sculeies dla valedes ladines. L fajerà pea scuadres de duta la cin valedes ladines. L turnoi scumëncia dala 9 da duman cun l prim juech. La premiazion ie ududa dant dala trëi domesdì.
Do la bon garaté dl turnoi l ann passà a Alie, iel chëst iede la Ntendënza Ladina dla Provinzia de Bulsan a jì inant cun l turnoi nvià l prim iede dal servisc scolastich de Fedom y Ampëz.
L turnoi de hockey ne pieta nia me ancuntedes sun dlacia, ma l sustën nce l spirt de culaburazion danter la scoles dla valedes ladines.
as
