Atualità
Ai 15 da auril gëura la Scola d’Ert na mostra de xilografia
USP - La scola d’Ert de Urtijëi à njenià na bela cumpëida de lëures de xilografia, na tecnica de chedri fai cun n stempl ziplà tl lën. N vënderdi ai 15 de auril uniral dala trëi domesdì giaurì na mostra de chisc lëures dedicheda al artist Remo Wolf.
I sculeies dla prima trëi tlasses dla Scola d’Ert Cademia à Urtijëi à fat n cuncors de lëures de xilografia. I truep de biei lëures che ie unic fai unirà tres la mostra ne prejentei al publich.
Chësta mostra tla Scola d’Ert a Urtijëi vën dedicheda al artist Remo Wolf, nasciù a Trënt y maridà a Urtijëi. Wolf à fat na vita drët ntravaieda danter furmazion artistica y la segonda viera mundiela. Davia che l ie ntan si vita for inò unì a Urtijëi, al reprejentà la cuntreda de Gherdëina sun truep de si opres de xilografia.
as
