Atualità
Al vëgn deslarié la strada danter Longega y Picolin
USP – L’ultimo tòch dla strada dla Val Badia dan rové a Picolin che ne n’ê nia ciamò gnü miorè, vëgn deslarié i proscimi mëisc. Tratan i laûrs che é odüs danfora cina d’agost, po i auti ma passè te öna na direziun al iade.
“Por garantì ćiamò de plü segurëza sön la strada dan rové a Picolin, vëgnel deslarié la strada por feter n chilometer” spliga l’assessur Florian Mussner. Sön chësc tòch danter Longega y Picolin él dër debojëgn de fà laûrs de comedöra. Aladô di responsabli dl sorvisc provinzial strades val debojëgn de fà danü mürs y tlandri de strada che ne respetëia nia plü les normes. Dlungia chisc laûrs vëgnel inće deslarié la strada.
Por garantì la segurëza tratan i laûrs po i auti ma passè te öna na direziun al iade. I laûrs jarà inant ćina ai 10 d’agost.
as
