Atualità
Plu scioldi per l barat cun casermes
USP – L barat cun cun la casermes vëija dant che l Stat dà puscion militeres che l ne adrova nia plu y che la Provinzia feje cuatieres per i ufezieres sun la puscion che ti resta al Stat. Per purté inant i programs plu a slune à la Jonta provinziela fat ora de spënder ite plu scioldi.
Danter Stat y Provinzia fovel unì fat ora che la puscions vënie metudes a desposizion uni doi ani, y chësc per sies iedesc. Davia che n se adrova chësta puscions à la Jonta provinziela te si tlausura ai 21 y 21 de auril fat ora de ne uel nia aspité 12 ani, ma de purté inant i programs plu a slune. L assessëur Mussner ie unì nciarià de spusté capituli di lëures publics per ruvé inant plu riesc cun i cuatieres dl barat sun casermes. “Tl bilanz provinziel ans udù dant 1,6 milion de euro, ma chësc ie massa puech, tlo vala de junté mo velch” à dit l presidënt Durnwalder.
as
