Atualità
Lëures ti tuniei dla streda dla Val Badia
USP - Ncuei, 16 de mei scumëncia i lëures per salansé ora i tuniei sun la streda dla Val Badia. Nchin ai 21 de mei iel ntan la nuet da fé cont de pudëi me passé sun mesa larghëza dla streda.
Sun l toch nuef dla streda dla Val Badia y pra l Punt de Fer puderan chëst’ena, dai 16 nchin ai 21 de mei, de nuet me passé te una direzion al iede. Danter la 9 da sëira y la 6 da duman vëniel salansà ora i tuniei che ie ti chemuns de S.Laurënz, Mareo y Badia.
Tl raion de Punt de Fer vëniel dai 16 nchin ai 20 de mei metù ju roles da nuef. I lëures vën tlo fai ntan l di, dala 8 da duman nchin la 5 domesdì.
as
