Atualità
Jonta provinziela a una per la Neuroreha a Sterzing
USP – L cuarto partimënt dl spedel de Sterzing dëssa unì adatà per la stazion de reabilitazion neurologica. La Jonta provinziela à (ncuei) ai 30 de mei dat si bënsté a lëures che ie unic valutei debujën sce l possa tlo unì fat l zënter de sperimentazion che ie unì prugramà.
La stazion nueva tl spedel de Sterzing dëssa pité lerch per 23 persones. Ma dant iel debujën de adaté l cuarto partimënt. “Per cumedé ca chësta pert dl spedel fovel bel udù dant n nvestimënt de 2,6 milion de euro” à dit l presidënt la Provinzia do la senteda dla Jonta. Per la stazion de reabilitazion neurologica muessel mo unì metù leprò feter doi milion de euro y chisc ie unì dai pro dala Jonta provinziela.
“Son segur che Sterzing ie la drëta luegia per chësc zënter y son nce segur che l unirà nuzà dassënn” à dit Durnwalder. Per pudëi realisé chësc zënter iel mo debujën dl recunescimënt ufiziel. “Sce a Roma nes vëniel nia cunzedù chësc zënter ne puderons nce no fé la stazion tl spedel de Sterzing” à dit l presidënt dla Provinzia.
as
