Trafich | 06.06.2011 | 13:54

Jonta provinziela damanda ai chemuns ladins na pruposta per i jëufs

USP – La regulamentazion di auti sun i jëufs ie (NCUEI) ai 06 de juni stat argumënt tla senteda dla Jonta provinziela. Per tré ite na minonga dla jënt che vif daujin ai jëufs dla Dolomites vëniel damandà na pruposta ufiziela di chemuns dla Val Badia y de Gherdëina.

Na regulamentazion di auti sun i jëufs dla Dolomites ne ie nchinamò mo nia unida data pro ajache la problematica ie plutosc lergia. “La cuestion reveda nia me la Provinzia de Bulsan ma nce Trënt y Belun. La minonghes ne va nia dl medemo viers.” à dit l presidënt dla Provinzia Luis Durnwalder do la senteda dla Jonta. Per tré ite na posizion ufiziela di raions tuchei plu da daujin dal trafich su per i jëufs y dai aministradëures che cunësc nce miec la situazion, damanda la Jonta provinziela na pruposta da pert di chemuns ladins. “Nchin ala fin dl ann ulessan giapé na pruposta a inuem de duc i chemuns de Gherdëina y Badia” à dit l presidënt la Provinzia. “Sce chësc ne sarà nia mesun, messerons nstësc lauré ora na soluzion”.

as

Galaria dales fotografies

La Jonta provinziela de Bulsan ntan si senteda.