Atualità
Stabilità finanziera: nia spënder ie contraprodutif
USP – La Jonta provinziela de Bulsan se à(ncuei) ai 04 de lugio dat ju cun la situazion dla stabilità finanziera per chëla che a Roma vëniel chisc dis fat tratatives. La Provinzia de Bulsan y Trënt, deberieda cun la regions autonomes tol su cuntat cun l minister Tremonti per damandé che l dëssa unì tenì cont dla situazion particulera ulache sparanië scioldi per debic che n ne à nia fossa me contraprodutif.
Co che vën a cialé ora i pruvedimënc nueves per mantenì la stabilità finanziera dla Talia, ne ie te chësc mumënt mo nia tler. Aldò de tant che l ie stat mesun audì da Roma semeil che l Stat ulëssa scrì dant ala regions autonomes de mëter sun na pert mo ntan de scioldi. “Chësc ulëssa di che mpede 47 milion de euro dal ann, ne pudessans nia dé ora feter 100 milion al ann” à dit l presidënt Durnwalder do la senteda la Jonta provinziela. “Sce l ann do unissel mo n iede damandà l medemo, messëssen bele meter sun na pert feter 200 milion de euro zënza pudëi i dé ora”. L presidënt dla provinzia à sorissà de ne avëi degun debic y perchël ne al nia bert a no spënder i scioldi. La situazion de Bulsan ie autramënter permez a chëla a livel naziunel. “Ne pudon nia smendrì l bilanz provinziel y pona mo n iede chël de istituzions sciche per ejëmpl chël dl’Unità sanitera” à dit Durnwalder. A una cun l presidënt a Trënt, Lorenzo Dellai, iel unì njenià na lëtra a inuem dla regions autonomes da ti mandé a l minister ala finanzes Tremonti.
L marciadé per la stabilità finanziera dla Talia ne reverda nia l’acurdanza de Milan danter Stat y Provinzia de Bulsan. Tlo fovel nce unì fat ora che 9 decimi dla chëutes ruva inò de reviers a Bulsan. Ntan chisc dis se tratela dla limitazion a spënder scioldi udui dant tl bilanz provinziel.
as
