Atualità
Plures à bele custà passà na milion de chëutes
USP – La Jonta provinziela à (ncuei) ai 11 de lugio dat pro de tò na milion de euro dal fond de resserva per curì spëises de aucac. L presidënt Durnwalder à metù a cuer che plures fates ala lesiera costa truep scioldi de chëutes.
Chëst ann iel stat truep caji de mpiegac y aministradëures che fova unic plurei y che ie pona unic giudichei zënza gauja. La spëises de aucac per la defendura muessa n iede unic paiei cun scioldi privac. Sce la suneria giudichea l aministradëur de vester zënza gauja, pona ti ret la Provinzia l custimënt dl aucat. Davia che i 400.000 euro udui dant te bilanz provinziel na à nia bastà, à i assessëures provinziei dat pro de tò na milion de euro dal fond de resserva. L presidënt Durnwalder à tla cunferënza stampa do la senteda metù a cuer che plures fates ala lesiera costa truep scioldi dla chëutes. Sce chëi che fova unic plurei vën giudichei zënza gauja, dëssa aldò de Durnwalder nce paië pea chëi che à fat la plura.
as
