Atualità
Sëurandat i lëures per i ultimi dlandri di puenc a S.Cristina
USP – Pra la streda de zircunvalazion a S.Cristina vëniel finà l’ultima pertes. Tl Ufize provinziel per sëurandé i lëures iel n mierculdi ai 20 de lugio unì sëurandat i lëures per fé i dlandri di puenc “Monte Pana” y “Saslong”.
La firma spezialiseda sun lëures d’acel Pikon OHG de Persenon fajerà i dlandri di doi mëndri puenc dla zircunvalazion de S.Cristina, dlongia l rundel da Iman. I dlandri unirà fai feter ala medema maniera sciche pra i autri doi puenc ulache i ie bele. Pra l puent dedite pert dl rundel uniral sëuraprò nce fat parëies contra la fuera.La firma de Persenon à pità n priesc 4,3% plu bas permez ala soma proieteda de 233.000 euro. Nsci unirà i lëures realisei per n custimënt de 223.900 euro. Al cuncors per chësc lëur publich fovel unì mandà ite sies prupostes, doves ne à nia respetà i criteries.
as
