Atualità
Ai 4 de agost ancunteda de metà legislatura cun l assessëur ladin Mussner
USP – A metà legislatura anconta i assessëures provinziei i culaburadëures di media per cialé de reviers y cialé inant sun l’atività. N juebia ai 4 de agost tën l assessëur ladin Florian Mussner si ancunteda a Sureghes per rujené de argumënc che reverda la populazion ladina, i culegamënc internet a slune, stredes y la sëurandata de lëures publics.
L ciamp de atività dl assessëur Mussner reverda dlongia la Scola y Cultura Ladina nce i lëures publics cun stredes y frabiches, ma nce l patrimone provinziel. Per i proscimi doi ani y mez se à l assessëur ladin tëut dant de plu lëures te chisc ciamps de atività. La se trata de dé na mpustazion moderna al sustëni culturel, de tò su la ndesfida per la scola paritetica, i culegamënc internet a banda lergia y culegamënc de stredes y la inuvazion pra la frabiches. N pont zentrel sarà nce la mudazions y la regulamentazion nueva per scrì ora ncëries publiches.
L’ancunteda de metà legislatura dl assessëur ladin Mussner cun culaburadëures di media unirà tenida
n juebia ai 4 de agost
dala 10.00 danmesdì
tla scolina a Sureghes,
streda Minert 7.
L’ancunteda de metà legislatura cun l assessëur ladin stluj ju la lingia de ancuntedes cun i assessëures provinziei. Ai 11 de agost tenirà l presidënt dla Provinzia Durnwalder si tradiziunela cunferënza stampa da instà a Pfalzen.
as
