Atualità
Metà legislatura de Mussner/2: cultura ladina nce ora dla valedes
La cultura ladina dëssa unì ntenduda, cunesciuda y valoriseda nce de vies dl’autra grupes de rujeneda. Te si ancunteda de metà legislatura à l assessëur ladin Florian Mussner (NCUEI) ai 04 de agost prejentà tla scolina de Sureghes si vijion de se giaurì culturalmënter.
Miuré y ntensifiché i raporc cun l’autra scoles ie me un n var che l assessëur ladin se à tëut dant per la segonda metà de legislatura. Si mira ie de ti fé cunëscer miec la particularità ladina a jënt de d’autra grupes de rujeneda. L assessëur à rujenà de manifestazions che reverda n publich che vën da ora dla provinzia che pieta ucajion de arjonjer y mantenì cuntac. Mussner à nstëssa fat l’esperienza a Bulsan che jënt ne sà nia dla populazion ladina. „Pensan ai 40.000 che vën a lauré tl Südtriol iel debujen de se purvé acioche i sebe che nëus ladins son tlo y chiche nëus son. La vijion dl assessëur ladin reverda na promozion de cultura coche nëus la vivon y sention, purteda a cunescënza di auti.
Dan ai jurnalisć à Mussner pra l’ancunteda a Sureghes nce rujenà de cultura da uni di te chëla che la va de tré ite nce chëla persones che ie plu da lonc. L ideal dl assessëur ladin ne ie nia na politica culturela per puec ma na politica per duc.
as
Galaria dales fotografies
Mussner: cultura ladina nce ora dla valedes ladines
- Scarica il file audio 629 kb
