Atualità
Jonta provinziela à dat pro la persunaliteies per la uneranzes 2011
USP – N lunesc ai 5 de setëmber uniral sëurandat la uneranzes provinzieles per l 2011. L uneranza de merit unirà data a 9 persunaliteies che ne vif nia tl raion provinziel ma che à data n sustëni sterch al svilup dla provinzia. La Jonta provinziela à (NCUEI) ai 8 de agost delibrà la sëurandata dla uneranzes che unirà danterauter dates al prufessëur Richard Argreiter che vën da na familia badiota, l cumisser dl guviern da dant Carla Scoz, l segreter generel dl Quirinale Gaetano Gifuni y l’ex parlamenter trentin Renato Ballardini.
La uneranzes 2011 unirà sëurandates ai 5 de setëmber tl Ciastel Tirol, avisa 65 ani do la sotscrizion dl’Acurdanza de Paris. La Jonta provinziela à dat pro la persunaliteies che unirà uneredes. L’uneranza dla Provinzia de Bulsan giaperà dlongia Richard Agreiter, Carla Scoz, Gaetano Gifuni y Renato Ballardini nce Franco Pasargiklian, Ludwig Zack, Claudio Riesen, Helmuth Kritzinger y Herbert Neumayer.
Richard Agreiter, nasciù dl 1941 a Strobniz tl Böhmen ie l sëul unerà cun ravises ladines. L artist scultëur che à studià tl Academia d’ert a Brüssel, ova dl 2004 scrit si avëi al Museum Ladin Ciastel de Tor. Dl 2007 iel unì metù su la fundazion Richard Argreiter che à da ntlëuta sëurandat uni trëi ani n pest de scultura.
Carla Scoz fova stata cumisser dl guviern a Bulsan dal 1995 al 2000 y pona da jené a lugio dl 2007. Ëila fova nce stat tl prim cunsëi de aministrazion dl’Università de Bulsan.
Gaetano Gifuni, ie stat secreter generel dla Presidënza dla Repubblia dal 1992 al 2006, numinà da Oscar Luigi Scalfaro y Carlo Azeglio Ciampi. L’aucat Renato Ballardini, pratigian da dant, ie stat cunselier regiunel, deputat per 21 ani y presidënt dla cumiscion per cuestions costituzioneles dla Camera y mplu parlamenter europeich.
Ai 5 de setëmber uniral nce dat l pest dla mendranzes (per 20.000 euro) che ti va chëst ann ala FUEV, la union federalista dla cumuniteies etniches europes che reprejentea feter 60 mendranzes tl’Europa. L pest unirà pià do dal presidënt Heinrich Hansen.
as
