Politica | 11.08.2011 | 17:34

L pont de Durnwalder 4/cumpededa dla jënt senziera

USP – Dala cumpededa dla jënt che sarà de utober, se aspieta l presidënt dla provinzia Luis Durnwalder n resultat senzier. Chësc al cunedì (NCUEI) ai 11 de agost pra la cunferënza stampa da instà a Falzes.

Drët positiva ie stata la soluzion che n à arjont a Roma y Bruxelles n cont dla detlarazion anonima. „La detlarazion de grupa de rujeneda che n dajerà ju de utober à me na valuta statistica, per cumpedé la grandëza dla grupes de rujeneda“ à dit Durnwalder. Chësta detlarazion ie la basa per l pruporz ti proscimi 10 ani.

La nuvità da chëst ann ie che la detlarazion ie anonima y ne à deguna fazion sun la situazion persunela dl zitadin „perchël me aspieti n resultat senzier che mostra su la situazion reéla. Per chësta rejon se aspieta l presidënt nce n auter resultat permez al’ultimo iede. „Un n resultat positif ons bele arjont: nchinamò ne iel nia stat tenscions etniches sciche l ultimo iede dan diesc ani“ à dit Durnwalder.

as

Galaria dales fotografies

Durnwalder tla cunferënza stampa da instà a Falzes “L sistem nuef de detlarazion de grupa de rujeneda lascia prò na cumpededa dla jënt senziera” (foto USP/Pertl)